طلاق یافتہ کی عدت اور ایک مجلس کی تین طلاق

السلام علیکم ورحمۃ اللہ وبرکاتہ

سوال:

بہن نے سوال کیا ہے کہ ایک خاتون کو ایک سال پہلے ایک ہی مجلس میں تین طلاق دی گئیں، جب اس طرح طلاق دی گئی تو وہ لاعلمی کی بنیاد پر اپنے والدین کے گھر آکر عدت گزارنے لگی، تو کچھ لوگوں نے کہا کہ عدت شوہر کے گھر گزارنا ہوتی ہے۔تو وہ عدت گزارنے کےلیے خاوند کے گھر واپس چلی گئی۔اس نے پڑھا کہ جب ایک بار تین طلاق دی جائیں تو تین واقع نہیں ہوتیں اور بچوں کی وجہ سے خاوند نے بھی فیصلہ کرلیا کہ وہ اسے اپنے پاس رکھے۔لیکن اس کے سسروال والے اس کو گناہ سمجھ رہے تھے، جس وجہ سے ان کا رویہ درست نہیں تھا۔اور انہوں نے کراچی میں مولانا سے فتویٰ بھی لیا جس کا جواب تھا کہ ایک مجلس میں دی گئی تین طلاقیں تین ہی ہوتی ہیں۔اورچونکہ طلاق کو اب ایک سال کا عرصہ بھی گزر گیا ہے، لہٰذا طلاق واقع ہوچکی ہے۔اور ایک مجلس میں تین طلاق کا تین شمار کرنا حضرت عمررضی اللہ عنہ نے ایسی کا حکم دیتے تھے۔ اور چونکہ ہم حنفی المذہب امام ابوحنیفہ رحمہ اللہ کے مقلد ہیں لہٰذا امام صاحب کا بھی یہی مؤقف ہے۔ بچوں کی وجہ سے خاتون اور مرد نے دوبارہ ایک ساتھ رہنے کا فیصلہ کیا، تو خاتون نے کہا کہ آپ مجھے الگ گھر میں رکھیں تو میں بچوں کے ساتھ رہنے کو تیار ہوں۔تو اب سوال یہ ہے کہ اگر وہ خاتون مرد کے ساتھ دوبارہ رہنا چاہتی ہیں تو کیسے رہے گی؟