ضعیف حدیث کا مطلب اور اس پرعمل

سوال

السلام علیکم ورحمۃ اللہ وبرکاتہ

سوال:

ضعیف حدیث کا کیا مطلب ہے؟ اورکیا اس پر عمل کرسکتے ہیں کہ نہیں؟

320 مناظر 0

جواب ( 1 )

  1. Taleem un Nisa
    0
    2017-01-16T13:49:54+00:00
    جواب دیں

    جواب:

    بہن! اصطلاحات حدیث میں ضعیف لغوی اعتبار سے قوی وطاقتور کے بالمقابل استعمال ہوتا ہے۔ اصطلاحی طور پر ضعیف حدیث کی تعریف اہل علم نے ان الفاظ میں کی ہے

    کل حدیث لم یجتمع فیہ صفات الحدیث الصحیح ولا صفات الحدیث الحسن
    ہر وہ حدیث جس میں نہ تو صحیح احادیث کی صفات موجود ہوں اور نہ ہی حسن حدیث کی۔

    اور صحیح حدیث اور حسن حدیث کی یہ صفات ہیں

    صحیح حدیث
    جس حدیث کی سند متصل ہو اور اس کے تمام راوی ثقہ، دیانتدار اور قوت حافظہ کے مالک ہوں۔ نیز اس حدیث میں شذوذ اور کوئی خرابی بھی نہ ہو۔

    حسن حدیث
    جس حدیث کے راوی حافظے کے اعتبار سے صحیح حدیث کے راویوں سے کم درجے کے ہوں۔

    باقی جہاں تک ضعیف حدیث پرعمل کرنے کی بات ہے تو علماء حدیث نے احکام وعقائد میں ضعیف حدیث کو قابل اعتناء نہیں سمجھا، لیکن کیا فضائل اعمال میں اگر حدیث ضعیف ہو تو اس پر عمل ہوسکتا ہے؟ تو جمہور اہل علم کے نزدیک فضائل اعمال سے متعلق ضعیف احادیث پر تین شرائط کی بنیاد پرعمل کیا جا سکتا ہے۔ ان کی وضاحت کرتے ہوئے حافظ ابن حجررحمہ اللہ لکھتے ہیں:

    1۔ حدیث میں شدید نوعیت کا ضعف نہ پایا جاتا ہو۔
    2۔ حدیث کو کسی اصل حدیث کے تحت درج کیا جائے (جو کہ صحیح ہو) اور اس پر عمل کیا جاتا ہو۔
    3۔ عمل کرتے ہوئے اس حدیث کے ثابت شدہ ہونے پر یقین نہ رکھا جائے بلکہ احتیاطاً عمل کیا جائے۔ (تدریب الراوی ج 1 ص 298-299 اور فتح المغیث ج 1 ص 268)

    واللہ اعلم بالصواب

ایک جواب چھوڑیں