حدیث کی اقسام اور ان کی مختصر تعریف

جواب:

بہن اس حوالے سے مختصراً جواب پیش ہے، باقی تفصیل حدیث وعلومہ کے موضوع پر لکھی کتب میں دیکھی جاسکتی ہے۔ کیونکہ یہ بہت لمبا موضوع ہے۔

1۔ مرفوع
وہ حدیث جس میں رسول اللہ صلی اللہ علیہ سلم کے قول یا فعل یا تقریر کا ذکر ہو۔
2۔ موقوف :
وہ حدیث ہے جس میں صحابی کے قول یا فعل یا تقریر کا ذکر ہو ۔
3۔ مقطوع:
وہ حدیث ہے جس میں تابعی کے قول یا فعل یا تقریر کاذکر ہو۔
4۔ مشہور:
وہ حدیث ہے جس کے راوی ہر زمانے میں تین سے کم کہیں نہ ہو۔
5۔ عزیز:
وہ حدیث ہے جس کے راوی ہر زمانے میں دو سے کم کہیں نہ ہو۔
6۔ غریب:
وہ حدیث ہے جس کے راوی ہر زمانے میں کہیں نہ کہیں ایک ہو۔
7۔ صحیح لذاتہ:
وہ حدیث ہے جس کے تمام راوی عادل کامل الضبط ہوں اور اس کی سند متصل ہوم،علل اور شاذ ہونے سے محفوظ ہو۔
8۔ حسن لذاتہ:
وہ حدیث ہے جس کے راوی میں صرف ضبظ ناقص ہو۔باقی سب شرائط صحیح لذاتہ اس میں مو جود ہوں۔
9۔ ضعیف:
وہ حدیث ہے جس کے راوی میں حدیث صحیح وحسن کے شرائط نہ پائے جاتے ہو ں۔
10۔ صحیح لغیرہ:
اس حدیث حسن لذاتہ کو کہا جاتا ہے جس کی سند یں متعدد ہوں۔
11۔ حسن لغیرہ:
اس حدیث ضعیفٖ کو کہا جاتا ہے جس کی سندیں متعدد ہوں۔
12۔ موضوع:
وہ حدیث ہے جس کے راوی پر حدیث نبوی میں جھوٹ بولنے کا طعن موجود ہو۔
13۔ متروک:
وہ حدیث ہے جس کے راوی متہم بالکذب ہو یا وہ روایت قواعدمعلومہ فی الدین کے مخالف ہو۔
14۔ شاذ:
وہ حدیث ہے جس کا راوی خود ثقہ ہو ،مگر ایک ایسی جماعت کثیرہ مخالفت کرتا ہو جو اس سے زیادہ ثقہ ہوں۔
15۔ محظوظ:
وہ حدیث ہے جو شاذ کے مقابل ہو۔
16۔ منکر:
وہ حدیث ہے جس کا راوی ضعیف ہو نے کے باوجود جماعت ثقات کے مخالف روایت کر تا ہو ۔
17۔ معروف :
وہ حدیث ہے جو منکر کے مخالف ہو۔
18۔ معلل:
وہ حدیث ہے جس میں کو ئی ایسی علت خفیہ ہو جو صحت حدیث میں نقصان دیتی ہو ،اس کا معلوم کرنا ماہرفن ہی کا کام ہے ۔ہر شخص کا کام نہیں۔
19۔ مضطرب:
وہ حدیث ہے جس کی سند یا متن میں ایسا اختلاف واقع ہو کہ اس میں ترجیح یا تطبیق نہ ہو سکے۔
20۔ مقلوب:
وہ حدیث ہے جس میں بھول سے متن یا سند کے اندر تقدیم وتا خیر واقع ہو گئی ہو یعنی لفظ مقدم کو مؤخراور مؤخر کو مقدم کیا گیا ہو یا بھول کر ایک راوی کی جگہ دوسرا راوی رکھا گیا ہو۔
21۔ مصحف:
وہ حدیث ہے جس میں صورۃ خطی باقی رہنے کے باوجود لفظوں وحرکتوں وسکونوں کے تغیر کی وجہ سے تلفظ میں غلطی واقع ہو جائے۔
22۔ مدرج:
وہ حدیث ہے جس میں کسی جگہ راوی اپنا کلام درج کرے۔
23۔ متصل:
وہ حدیث ہے کہ اس کی سند میں راوی پورے مذکو ر ہوں۔
24۔ مسند:
وہ حدیث ہے کہ اس کی سند رسول اللہ صلی اللہ علیہ وسلم تک متصل ہو۔
25۔ منقطع:
وہ حدیث ہے: کہ اس کی سند متصل نہ ہو بلکہ کہیں نہ کہیں سے راوی گرا ہوا ہو۔
26۔ معلق:
وہ حدیث ہے جس کی سند کے شروع میں ایک راوی یا کثیر گرے ہوئے ہوں۔
27۔ معضل:
وہ حدیث ہے جس کی سند کے درمیان میں سے کوئی راوی گرا ہوا ہو یا اس کی سند میں ایک سے زیادہ راوی پے در پے گرے ہوئے ہوں۔
28۔ مرسل:
وہ حدیث ہے جس کی سند کے آخر سے کوئی راوی گرا ہوا ہو۔
29۔ مدلس:
وہ حدیث ہے جس کے راوی کی یہ عادت ہو کہ اپنے شیخ یا شیخ کے شیخ کا نام چھپاتا ہو۔
30۔ مسلسل:
وہ حدیث ہے جس کی سند میں راویوں کے صفات یا حالات ایک ہی طرح کے ہوں۔

واللہ اعلم بالصواب