جہالت میں کسی اور کانام لکھوا دینا اور پھر تبدیل نہ ہوسکنا

سوال:

بہن نے سوال ہے کہ جب اس کی پیدائش ہوئی تو اس کی خالہ نے اسے گود لیا، اور نام کے ساتھ خالو کا نام لکھا جانے لگا، جب بہن 9 سال کی ہوئی تو اسے پتہ چلا کہ اس کے اصل والدین یہ نہیں بلکہ کوئی اور ہیں۔ جب میٹرک کے امتحان دینے کی بات آئی تو اس وقت اس بہن سے پوچھا گیا کہ نام کے ساتھ اصل والد کا نام لکھوانا ہے یا پھرخالو کا ہی نام لکھا رہنے دیا جائے؟ تو بہن اس بات سے ڈر گئی کہ اگر میں اپنے والد کا نام لکھواتی ہوں تو پھر میرے خالو ناراض ہوجائیں گے، جنہوں نے اب تک میری پرورش کی، سو بہن نے نام ونسب کے حوالے سے شرعی لاعلمی میں اس ناراضگی سے ڈرتے ہوئے خالو کانام لکھوا دیا۔ اور میٹرک سے ایم بے اے تک یہی نام چلتا رہا۔ جب نکا ح ہونے لگا تو نکاح فارم پر اصل والد کا نام لکھوایا گیا، مگر جب شناختی کارڈ بنوانے کی باری آئی تو تمام اسناد پر خالو کا نام تھا، اور پھر نکاح فارم پر اصل والد کا نام۔ تو مسئلہ کھڑا ہوگیا۔ اور اسناد پر نام تبدیل کروانا نہ تو آسان تھا، اور پھر اس پر خرچہ بھی ہوتا تھا اور پھر اتنے لمبے پراسیس میں پڑنے کو کوئی تیار بھی نہیں ہوتا تھا۔ سو مجبوراً نکاح فارم میں اصل والد کی جگہ خالو کا نام لکھوانا پڑا،۔ اس تمام تر صورتحال کے بعد میرے لیے اب کیا حکم ہے؟